Warar sugan oo laga soo xigtay mid ka mid ah Xildhibaanada dowladda Federalka Soomaaliya ayaa sheegay in Xildhibaanadu ay ka biya diideen qorshe ay wadatay Wasaaradda Amniga Soomaaliya kaasoo ahaa in Hubka ay heystaan Xildhibaanada Soomaaliyeed lacag lagu diiwaan galiyo.
Xildhibaanka ayaa sheegay in lacagahaasi lagu sharciyeynayo Hubka Xildhibaanada isla markaaana lagu soo war galiyay in ay muddo labo todobaad ah oo u dhiganta 14 maalmood isku soo diiwaan galiyaan.
Xildhibaanka oo diiday inaan magaciisa soo xigano ayaa sheegay in codsi uga yimid wasaarada amniga oo ah in qori walbaa ay ku diiwaan galiyaan lacag 120$ ah ay diideen oo ay wasiirka u sheegeen in aysan sax aheyn in xildhibaanada lacag looga qaado diiwaan galinta hubkooda.
Mudada loo qabtay in ay isku soo diiwaan galiyaan ayaa hada waxaa ka harsen maalmo , waxana wali war laga heyn sida ay wasaarada amiga u aqbali doonto codsiga ah in xildhibaanada aan hubkooda lacag lagu diiwaan galin.
Diiwaan galinta hubka ayaa meel fan mareysa iyadoo shirkadahwa haarka loo leeyahay ay wadaan divan galin ay hubkooda ku sharciyeynayaan.
