Wararka naga soo gaaraya degaanka Labi-Caano oo ay Shalay ku dagaalameen Maleeshiyo Beeleed , ayaa waxa ay sheegayaan in Saaka halkaasi ay ka taagan tahay Xiisad dagaal.
Maleeshiyaadkii shalay ku dagaalamay ayaa isku horfadhiya Miyiga degaanka Labi Caano ayadoona laga dareemayo inay ku jiraan abaabul dagaal.
sida la ogyahay 7 qof ayaa ku dhimatay 10 kalena waa ay ku dhaawacmeen dagaal culus oo shalay ka dhacay degaanka Labi-Caano oo qiyaastii 45 KM ujira Magaalada Dhuusamareeb.
Sida wararka aan ku helayno waxaa Saaka degaanka laga dareemaya xaalad kacsanaan ah, sidoo kale odayaasha dhaqanka Gobolka Galgaduud ayaa wadda dadaallo kala duwan oo lagu xalinaayo dagaalka Galgaduud.
Dhanka kale Maamulka Galmudug ayaa ku baaqay in dagaalkaas la joojiyo sharuud la’aan ayna dadkaas walaalaha ka waantoobaan dagaalada ayna wada hadal ku xaliyaan waxii dhexdooda ah.
