Wareegto shalay ka soo baxday Xafiiska Madaxweynaha maamulka Hir-Shabeelle Cali Cabdullaahi(Cosoble) ayaa waxaa xilkii looga qaaday Wasiirka Wasaarada Maaliyada Maamulka hir-Shabeelle Maxamed Maxamuud Cabdulle.
Wasiirka oo Wareysi siiyay warbaahinta gudaha ayaa sheegay in xilka sidiisaba uu yahay mid wareegto ah islamarkaana uu wax ka ogaa xilka qaadista lagu sameeyay taas bedelkeedana uu sugayo in meela kale oo muhiim ah loo dhiibo.
Waxaa la weeydiiyay Su’aal aheyd waxa xiligaan soo dedejiyay xilka qaadista lagu sameeyay, waxa uuna yiri Maxamed Maxamuud Cabdulle wasiirkii hore Maaliyada Maamulka Hir-Shabeelle ee shalay xilka laga qaaday “Wasiirada Hir-Shabeelle qaarkood waa Xildhibaano aniga xildhibaan maahi khilaafka iyo mooshinadii socday aniga saameyn kuma lihi aniga macodsan in xilka leyga qaado balse madaxweynaha ayaa ii arkay in uu meelo kale ii wareejiyo taasina waan ka wada hadalnay.
Ugu dambeen waxa uu ugu baaqay Wasiirada kale ee ka tirsan maamulka Hir-Shabeelle in xilkaan uu yahay meerto islamarkaana la doonayo hadii xilka laga qaado in ay si Nabad ah ku wareejiyaan.
