Mareykanka ayaa Liiskiisa Argagixisanimada Ka Saaray Sheekh Mukhtaar Roobow (Abuu Mansuur).
Abuu Mansuur Waxaa uu Soo ahaa Guddoomiyaha Maxakamaddii Islaamiga ahayd ee Midowga Maxkamadaha Ka Tirsanneed ee Al-Furqaan, Afhayeenka Al-Shabaab iyo Amiir Ku Xigeenka Al-Shabaab.
Sanadihii Ugu Dambeeyay Waxa uu Gooni Ka ahaa Al-Shabaab, Waxaana Jiray Qilaaf u Dhaxeeyay Isaga iyo Hogaanka Al-Shabaab ee Qaarkood Markii Dambe La Dilay.
Khilaafka uu Uga Gooni Noqday Al-Shabaab oo uusan Wali Ka Hadlin Abuu Mansuur Waxaa Ku Dhintay Amiiro Al-Shabaab Ka Tirsanaa, Kuwana Waxay Ku Qasbanaadeen Iney Baxsadaan, Markii Dambena ay Qaarkood Usoo Gacan Galaan Dowladda.
Waxayse Baxsashada uu Abuu Mansuur Uga Badbaaday Al-Shabaab Keentay Rajo ah Iney Suurtagal Tahay Inuu Wadaadku Kusoo Biiri Karo Dowladda ama uu Ugu Yaraan Noqon Karo Mucaarad Dabacsan.
Si Cad Looma Oga Hadda Halka uu Rasmi ahaan Ku Nool Yahay ama uu Joogo Wadaadku, Balse Waxaa La Sheegaa Inuu Ku Sugan Yahay oo uu Ilaalo Xoogan oo Beeshiisaa, Una Dascada, Ku Haysto Meel Ka Tirsan Bay ama Bakool.
Warkaan Waa La Sugayay Waayadaan, Laakiin Waxay Su’aashu Tahay “Maxa ay Arrintan Ka Dhigan Tahay”? Dowladda Maxaa Fursad ah oo ay Fureysaa? Maxayse Sheekha Qudhiisa Uga Dhigan Tahay Go’aanka Mareykanka?
