Dowladda Mareekanka ayaa Liiska Argagaxisada Caalamiga ah ka saartay Sheekh Mukhtar Roobow Abu Mansuur, Xili ay ku tilmaameen nin aan hadda Saameyn ku lahayn waxa ka dhacay gudaha Soomaaliya.
Hadaba Wasiirka Warfaafinta Maamul Goboleedka Koofur Galbeed Soomaaliya Xasan Cabdi Maxamed oo la hadlay Idaacadda VOA ayaa sheegay in Maamulkooda ay soo dhaweynayaan Xayiraada laga qaaday Sheekh Mukhtaar Roobow Cali Abuu Masuur oo ka mid ahaa Saraakiisha Sar Sare ee Xarakada Al-shabaab, balse mudooyinkii ku sugnaa Dhulka Howdka ah ee Gobolka Bakool balse aan la aqoon meesha uu sida gaarka ah uga joogo, iyadoo ay ilaaliyaan Maleeshiyaad ku Hayb ah.
Wasiirka Warfaafinta Koofur Galbeed Xasan Cabdi Maxamed ayaa sheegay in aysan wax kala socon qaabka Mareykanku uu Xayiraadda uga qaaday Sheekh Mukhtaar Rooboow, balse ay soo dhaweynayaan Talaabadaan Mareykanku uu qaaday.
Dowladda Federaalka Soomaaliya weli kama hadlin Xayiraadda laga qaaday Sheekh Mukhtaar Roobow Cali Abuu Masuur oo ahaa Kuxigeenkii Axmed Cabdi Godane Hogaamiyihii la dilay ee Al-shabaab.
