Howlgal Dhalinyaro lagu soo qab-qabtay oo ka dhacay degmada Heliwaa

Ciidamada ammaanka dowladda federaalka Soomaaliya ayaa hawlgal bilowday Salaadii Subax kadib waxa ay ka sameeyeen xaafado ka tirsan degmada Heliwaa ee gobolka Banaadir.

Hawlgalkan ayaa si gaar ah waxa ay ciidanka uga sameeyeen xafadaha Suuqa Xoolaha iyo Cali Turcaaye, sida ay inoo sheegeen dad goobjoogayaal ah.

Ciidamada hawlgalka sameeyay ayaa waxa ay isugu jireen Millatari, Nabad Sugid iyo Boolis, waxaana ciidanka ay galeen inta uu hawlgalka socday guryaha qaar, oo ay ka soo sareen dhalinyaro.

 Dhalinyarada hawlgalkan lagu soo qabtay oo tiradooda aanan la sheegin ayaa waxaa la isugu keenay barxad weyn oo ku taalla xaafada Suuqa Xoolaha, halkaasi oo ciidanka dhalinyarada ay ku kala saareen, iyada oo ciidamada la soo sheegayo inay kaxeysteen dhalinyaro ka mid ah kuwa hawlgalka lagu soo qabtay.

Saraakiisha hoggaamineysay hawlgalkan iyo maamulka degmada Heliwaa ayaa waxa ay sheegeen ujeedka hawlgalkan inuu ahaa sidii loo xaqiijin lahaa ammaanka degmada, sidoo kalena looga hortagi lahaa inay dhacaan falal ka baxsan ammaanka.

Warbaahinta Goobsan kala Soco Wararkii U danbeeyay ee Dunida
SHARE