Gudoomiye Yariisow oo Amray in laga guuro Xerada Mariino

Guddoomiyaha Gobolka Banaadir ahna duqa Muqdisho Eng: Cabdiraxmaan Cumar Cismaan Yariisow ayaa sheegay in lagala noqday dukumintiyo loo sameeystay dhul ay ciidamadii Badda ku lahaayeen degmada Cabdulcasiis ee magaalada Muqdisho.

Xeer uu soo saaray guddoomiyaha gobolka Banaadir ayaa lagu sheegay in dhulkaasi hore u ahaa dan guud haatana la doonayo in caasimada laga dhigo mid la tartanto caalamka.

Eng Yariisow ayaa hay’adaha dowlada Federaalka waxa uu ku wargeliyay in ay joojiyaan dhulalka ay bixiyaan,kadib markii ay dowlada u wakiilatay maamulka Gobolka Banaadir iyo Duqa Muqdisho in uu Mas’uul ka yahay dhul bixinta iyo fasaxyada.

Maamulka gobolka Banaadir ayaa hore amaro ku bixiyay in loogaga guuro dhul dan guud ah,waxana sidoo kale uu burburiyay dhismooyin si sharci darro ah loo dhistay.

Warbaahinta Goobsan kala Soco Wararkii U danbeeyay ee Dunida
SHARE