Warar dheeraad ah ayaa ka soo baxaya khasaaraha dhimashada iyo midka dhaawac ee ka dhashay qarax loo adeegsaday gaari waxyaabaha qarxa laga soo buuxiyay oo lagu weeraray Saldhiga Degmada Waaberi.
Qof ka mid ah dadka deegaanka degamda Waaberi ayaa sheegay in qaraxas uu ahaa Gaari ay ka buuxaan waxyaabha qarax kaas oo yaalay Albaabka hore ee Saldhiga islamarkana uu qarxay,waxaana Burbur xooggan uu soo gaaray qaar ka mid ah Carwooyin Dharka lagu iibiyo iyadoo ay Maanta ahaayeen kuwo Mashquul ah.
Warar hordhac ah oo soo baxay ayaa waxa ay sheegayaan in uu jiro khasaaro soo gaaray dad rayid ah,iyadoo weli dhimashada qaraxaas aan la xaqiijin karin balse la soo sheegayo in Isbitaalka Daaru-Shifaa la gaarsiiyay in ku dhow 15 ruux.
Ciidamo farabdan oo ka tirsan kuwa dowladda Federaalka Soomaliya ayaa haatan goobta ku sugan kuwaas oo xiray Wadada soo gasha Saldhiga degamda Waaberi.
SAWIRO
