Faah faahino dheeraad ah ayaa ka soo baxaya Diyaaarado dagaal oo duqeeyay degmada Jamaame ee Gobolka Jubbada Hoose halkaas oo ay gacanta ku hayaan dagaalyahano ka tirsan Al-Shabaab.
Diyaaradaha dagaal ayaa waxaa caawinayay Ciidamo ka tirsan kuwa Kumaandoosta Soomaaliya waxaana la sheegay in ay bartilmaameed sadeen deegaanka Dhagax-dheer ee degmada Jamaame halkaas oo ay ku sugnaayeen ciidamo ka tirsan Al-Shabaab.
Saraakiil ka tirsan Ciidanka xoogga dalka Soomaaliya ayaa sheegay Duqeyntan in ay ku burburiyeen saldhigyo Shabaab ay ku leeyihiin degaanka Dhagax-dheer.
Sidoo kale waxaa jira khasaare soo gaaray dagaalamayaasha Al-shabaab balse waxan la ogayn inta uu la egyahay Khasaaraha soo gaaray.
Muddooyinkii dambe waxaa sii kordhayay weerarada qorsheysan ee ay fulinayaan ciidamo cadaan ah iyo ciidanka Xooga dalka Soomaaliya, kuwaasi oo u tababaran fulinta weerarada qorsheysan.
