Wasiirka Wasaarada Gaadiidka Cirka iyo dhulka ee xukuumada Federaalka Soomaaliya ayaa sheegay in Wasaarada ay mamnuuceyso in Gudaha Soomaaliya la keeno Gawaarida dhanka Midig Isterinka ku leh iyo waliba sidoo kale Gawaarida Albaabkooda uu u furmo dhanka Bidix ee Wadada dhankeeda ah.
Maxamed Cabdulalahi Salaad(Oomaar) ayaa sheegay in kulan ay la qaateen qaar ka mid ah Ganacsatada gaadiidka dalka soo geliya ee ka Ganacsada in ay joojiyaan Gawaarida Isteerinka ku leh dhanka Midig Albaabkana ku leh dhanka Banaanka ee Gacanta Midig islamarkaana Ganacsatadii ay ka aqbaleen.
Waxa uu arintaan ku micneeyay in tani ay uga gol leeyihiin arimaha amniga islamarkaana mararka qaar ay dhici karto Shilal ay waxyeelo ka soo gaarto dadka Shacabka ah.
Waa markii ugu horeysay oo wasiirku shir kala yeesho ganacsatada Gawaarida soo dajisa arimo sidaan oo kala ah taasoo isla markaana guul laga gaaray.
