Mudo ka badan Sanad iyo Bar oo dadka Beeraleyda ku nool deegaanada Maamulka Koonfur Galbeed Soomaaliya ay ku jireen abaaro saameyn ku yeeshay dadka iyo duunyada ayaa waxaa hada la gaaray waqtigii dadka Beeraleyda ay bilaabi lahaayeen tacabka Beerahooda,balse waxaa haatan soo baxaya in xiligaan Al-Shabaab ay Beeraleyda ku soo rageen waxa ay ugu yeeraan Zakawaad.
Hadaba dadka ku nool deegaanka Goof-Gduud Buureey ayaa si cad u diiday in ay Al-Shabaab siiyaan lacagta ay ugu magacdareen Zakawaadka iyaga oo ku dhiiraday in ay diidaan bixinta lacaghaas.
Dhaayoow Maxamed Isaaq ah Saraakiisha Ciidamada deegaanka Goof-Gaduud ,ayaa warbaahinta gudaha u sheegay in ay soo gaartay Dacwad ay usoo gudbiyeen Shacabka deegaanka Goof-Gaduud,islamarkaana ay waajib tahay in ay wax ka qabtaan arrintaas.
Waxa uu sheegay in ay haatan wadan qorsho ku aadan in laga hortago in Al-Shabaab dadka ay ka qaadaan lacagtaas,islamarkaana xiliyada qaar Habeenkii ay sameeyeen Roondooyin.
Al-shabaab ayaa laga cabsi qabaa in ay dadkaas soo weeraraan isla markaana ay kala wareegaan Hantida iyo Xoolaha ay haystaan.