Siyaasiga C/raxmaan C/shakuur Warsame ayaa digniin u direy Xildhibaanadda baarlamaanka Federaalka Soomaaliya ee maanta dooranaya gudoomiyaha cusub, kaasi oo badalaya Gudoomiyihii Hore Maxamed Shiikh Cusmaan Jawaari.
C/raxmaan ayaa Xildhibaanadda u sheegay in loogu baahan yahay In ay doortaan Gudoomiye kala sooci kara awooda Golaha Shacabka iyo Xukuumadda Soomaaliya.
“Haddii awooda Baarlamaanka iyo xukuumada hal gacan galaan wuxuu dalku halis ugu jiraa kali talisnimo cusub oo dagaal sokeeye keeni karta… Hadii ay hay’adda sharci dejinta iyo laanta fulinta galaan gacanta hal ruux xoriyad ma jiri karto, waxaa badanaya cabsida iyo argagax gelinta, waxaa la dejinayaa sharciyo kali talisnimo oo loo fuliyo si kali talisnimo” ayuu yiri C/raxmaan C/shakuur.
