Rag hubeysan ayaa saakay aroortii waxa ay weerar gaadmo ahaa ay ku qaadeen ciidanka Maamulka Puntland ee ku sugan deegaanka Godad oo qiyaastii 15-Km dhanka bariga kaga beegan magaalada Galkacyo ee Gobolka mudug.
Weerarka ayay labada dhinac isku adeegsadeen qoryaha fud-fudud,waxaa la xaqiijiyay in ragii hubeysnaa laga dilay hal nin.
Puntland waxa ay sheegtay in raggaas ay ahaayeen Al-shaabab islamarkaana ay huwanaayeen astaanta lagu yaqaano dagaalyahanada Xarakada Al-shabaab, ayna ka yimadeen dhanka Magaaladda Gaalkacyo Galmudug.
Dhanka kale, waxaa isbitalka magaalada Galkacyo la gaarsiiyey dhowr kamid ah ciidanka Maamulka Puntland oo qaba dhaawacyo fudud oo soo gaarey.
