Maxkamada Ciidamada Qalabka sida ee Soomaaliya ayaa Manata Xabsiga dhigtay Darawal ka tirsan Ciidanka AMISOM oo Isgoyska Siinaay ee Muqdisho Gaari uu waday ku jiirsiiyay Wiil dhalinyaro ah oo Mooto Bajaaj waday.
Darawalkan ka tirsan Ciidanka AMISOM ayaa waxaa lagu Magacaabaa Barongo John, Waxaana Gaari uu waday uu Wiil dhalinyaro ah ku jiirsiiyay Isgoyska Siinaay ee Muqdisho, isaga oo isku dayay inuu goobta ka baxsado balse waxaa qabtay Ciidanka Dowladda ee ku sugnaa isgoyskaasi.
Saraakiil ka tirsan Maxkamada Ciidamada Qalabka sida ee Dowladda Federaalka Soomaaliya ayaa sheegay in gacanta lagu soo dhigay darawalkaasi isla markaana Xabsiga la dhigay. Waxaana la filayaa inuu dhawaan mar kale ka suu muuqan doono Maxkamada u gaar ah Ciidamada AMISOM ee gaysta falalka goob falada iyo tacdiyada,
©Goobsan Media
