waxaa soo baxaya warar sheegaya in ururka al-shabaab ay gacanta ku hayaan degaanki ay saakay aroortii hore weerarka kusoo qaadeen.
Deegaankaas oo lagu magacaabo Goof Gaduud ayaa ah meel ay ku sugnaayeen ciidamada koofur Galbeed.
Ururka Al-shabaab ayaa sheegtay in ay Dileen 17 Askari oo ka tirsan Ciidamada Xooga Dalka iyo kuwa Koofur Galbeed kadib markii ay Dagaal Xoogan ay ku soo qaadeen Degaanka Goof-gaduud ee Gobolka Baay.
Afhayeenka Al-shabaab dhanka Howlgalada C/casiis Abuu Muscab oo la hadlay Warbaahinta Taageerta Al-shabaab ayaa sheegay in Dagaalka ay ku qabsadeen Goofgaduud ay ku dileen 17 Askari Hub iyo Gaadiidna ay ku furteen.
Dagaalamayaasha Kooxda Al-Shabaab ayaa hadda si buuxda Gacanta ugu haya Degaanka Goofgaduud oo ku taalla Duleedka Magaalada Baydhabo ee Xarunta Gobolka Baay.
ilaa iyo hadda si rasmi ah looma xaqiijin sheegashada Al-shabaab oo ah inay gacanta si buuxda ugu hayaan degaankaas uu dagaalka xoogan ka socdo.
dhanka kale waxaa lasoo sheegayaa in isbitaalka magaalada Baydhabo la gaarsiiyay meydad iyo dhaawacyo ka tirsan ciidamada dowladda iyo kuwa Maamulka Koofur Galbeed ee ay waxyeeladu kasoo gaartay dagaalka xoogan ee ka dhacay degaanka Goof Gaduud oo 30 Km u jirta Magaalada Baydhabo.
