Sida aan warka ku helayno waxaa qaraxii maanta ka dhacay saldhiga Degmada Waaberi ku dhaawacmay Wasiirka Wasaarada Dhalinyarada iyo Cayaaraha ee maamulka Jubbaland Mudane, Maxamed Maxamuud Yusuf Aw Libaax.
Sida ay noo xaqiijiyeen dad ka ag dhow maamulka Jubbaland Qaraxaas oo ka dhacay degmada waaberi ayuu ku dhaawacmay Wasiirka waxaana meesha ku geeriyooday laba ka mid ah ragii la socday.
Dhaawaca Wasiirka ayaa ah mid aad udaran waxaana hadda lagula tacaalayaa Isbitaalada ku yaala magaalada Muqdisho.
Maxamed Awlibaax ayaa horay u ahaa Gudoomiyahii Ahlu-Sunna Waljameeca ee Gobolka Geddo isla markaana kamid ahaa Saxiixyaashii Rodmabka.
