Madaxweynaha Dowladda Federalka Soomaaliya Maxamed Cabdulaahi Maxamed (Farmaajo) oo ku sugan magaalada Kampala ee dalka Uganda ayaa waxa uu halkaas uga qayb gali doonaa shir waeyne looga arinsanayo xaalada Qaxootiga Afrika.
Shirkan ayaa maanta ka furmaya Magaalada Kampala ee Dalka Uganda,waxaana ka qeyb galaya Madax kasocoto Qaaradda Africa.
Shirkan oo diiradda lagu saari doono Qaxootiga kasoo kala jeeda wadamada Soomaaliya, South Sudan, iyo wadamo kale kuwaas oo Qaxootigooda ay soo wajahdo dhibaatooyin kala duwan.
Soomaaliya ayaa kamid ah wadamada dadkooda ay ka hayaameen kadib bur burkii dowlada dhexe kuwaa oo ka baxsanayay dhibaatooyinkii dalka uu la daalaa dhacayay.
Waxaana shirka looga arinsan doonaa mudada uu socdo qaabka ugu wanaagsan ee lagu maareenayo Qaxootiga, iyo in madaxdu ay go’aan mid ah ka qaadaan Marxalada dadka Baddaha ku sii dhamaanaya.
