Wararka naga soo gaaraya magaalada Muqdisho ayaa sheegay in wafdi ka socda dowladda Qatar uu maanta gaaray magaalada Muqdisho.
Wafdigan ayaa la sheegay inay soo dirtay dowladda Qatar, waxayna kulamo la yeelan doonaan madaxda dowladda Soomaaliya, iyadoo Qatar ay si weyn u soo dhoweysay mowqifka Soomaaliya ka qaadatay xiisadda diblomaasiyadeed ee ka taagan Khaliijka.
Wafadiga oo goor dhow ka degay Garoonka Muqdisho ayaa loo qaaday xarunta madaxtooyada Soomaaliya, oo ay kulamo kula leeyihiin Madaxweynaha iyo Ra’iisal Wasaaraha.
Dowladaha Sacuudiga iyo Qatar ayaa kala jiidanaa dowladda Soomaaliya, waxaana Soomaaliya ay qaadatay siyaasad dhexdhexaad ah.
Goobsan Media
