Waxaa maanta Howl gal balaaran uu ka socdaa Isgoysyada magaalada Muqdisho kaasoo ay ka wadaan Ciidamada Xasilinta Amaanka magaalada Muqdisho.
Howgalkan baaritaanka ah ayaa ka duwan kii hore ay u samayn jireen ciidamada xasilint amagaalada Muqdisho awal waxa ay baari jireen Gaadiidka oo kaliya balse markaan waxa ay kusoo kordhiyeen in ay baaraan Dadweynaha waliba ayagoo weydiinayaa Kaar aqoonsi iyo Su’aalo dhowr ah oo la xariira Shaqsiyada Qofka meesha uu deganyahay iyo waxa uu ka shaqeeyo intaba.
Dadweynaha ayaa la galinaya Saf dheer, waxaana mid mid u xog wareysanaya Ciidamada dowladda.
Wadada Dheer ee Makah Almukaramaha , Isgosyka Taleex, iyo qaar ka mid ah Wadooyinka kale ee Muqdisho ayaa howlgalladu hadda ka socdaan.
Ciidamada Xasilinta Caasimadda ayaa laba jibaaray maalmihii lasoo dhaafay howlgallada ay ka waddaan wadooyinka Magaalada Muqdisho.
Dadweynaha Magaalada Muqdisho ayaa soo dhaweeyay tilaabooyinka ay qaadaan ciidamada xasilinta Amaanka Magaalada Muqdisho halka qaar kalena ay dhaliil usoo jeediyeen qaabka loo wajahayo howlgaladan ka soconaya magaalada Muqdisho.
