Madaxweynaha Maamulka Puntland Cabdiweli Maxamed Cali Gaas ayaa taliyaha qeybta Booliska gobolka Mudug u magacaabay Cornel Aadan Nuur Qaal.
Taliyaha cusub ayaa xilkiisa kala wareegay taliye ku xigeenka booliska gobolka Mudug, oo xilkaas kusime ka ahaa tan iyo markii dhawaan xilka laga qaaday taliyihii qeybta booliska gobolka Mudug Cornel Cismaan Xasan Cowke.
Waa taliyihii saddexaad ee la magacaabo muddo ka yar labo sano kadib markii dhowr mar qeybo kamid ah Gobolka Mudug ay ka dhaceen falal lidi ku ah dhanka amniga.
Maamulka Gobolka Mudug ee Puntland ayaa dhawaan shaaciyay in ay Ciidamada Booliiska bilaabi doonan howlgalo lagu xaqiijinayo amniga islamarkaana ay helayaan xogo ku aadan in ay dhici karaan falal argagaxisanimo sida ay hadalka u dhigeen.
