Wararka naga soo gaaraya qeybo kamid ah Gobolka Shabeellaha Hoose ayaa waxa ay sheegayaan in dagaal u dhaxeeyo Ciidanka dowladda Somaaliya iyo Al-Shabaab uu ka socdo tuulooyin hoostaga degmada lambar Konton ee Gobolkaas.
Dagaalka ayaa intiisa badan waxa uu iminka ka socdaa inta u dhaxeysa deegaanada Baladul-Amiin iyo Muuri ee Gobolkaas kadib markii dagaalyahano ka tirsan Al-Shabaab ay weerar halkaasi ku qaadeen.
Qof kamid ah dadka deegaanka oo aan la xiriirnay ayaa sheegay in dhowr Dukaan oo halkaasi ku yaalla ay Al-Shabaab dab  qabad siiyeen in kastoo Warkaas aan weli la xaqiijin.
Alshabaab ayaa 48 saac ee ugu dambeysay waxay halkaas kusoo qaadeen 3 weerar oo is xig xigay ayagoona horay u gubay guryo odayaalna ka qafaashay degaanada ay soo weeraraan.
