Qaraxan, ayaa wuxuu ka dhashay gaari nooca raaxada ah oo walxaha qarxa la soo saaray, iyadoona uu ku qarxay agagaarka Saldhiga Booliska ee Degmada Wadajir.
Afhayeenka Maamulka Gobolka Banaadir, C/fitaax Cumar Xalane, ayaa sheegay ka hor inta aanu gaarigu qarxin, in ay gacanta ku soo dhigeen ciidamada ammaanka.
Afhayeenka, ayaa intaa ku daray in gaariga uu qarxay, xilli ay miinada ka furayeen ciidamada miino baarista, oo saddex ka mida ay qaraxaasi ku dhimatay.
Axmed Cabdulle Afrax, Gudoomiyaha Degmada Wadajir, ayaa sheegay in laba nin oo gaarigaasi la socday ay ka daggeen, ka dibna ay bilaabeen in ay rasaas ku soo caabiyan ciidamada ammaanka.
Gudoomiyaha Degmada Wadajir oo la hadlay Warbaahinta, ayaa xaqiijiyay in toogasho lagu dilay mid ka mid ah labadaasi nin, halka midkii kalana uu baxsaday.
