Wasiirka Warfaafinta Soomaaliya Eng, Cabdiraxmaan Cumar Cismaan “Yariisow” oo ku hadlayay Afka Xukuumadda Soomaaliya ayaa sheegay in Shaqaalaha Dowladda la fasaxay Munaasabadda xuska 15-ka May owgeed.
Xuska 15-ka May ayaa ah maalinta dhalinyarada iyo aas-aaskii Ururkii SYL ee kaalinta weyn ka qaatey xornimadii Dalka.
Wasaaradda Dhalinyarada iyo Ciyaaraha ayaa Maalmahanba ku howlanayd diyaarinta Munaasabadda 15-ka May,waxaana Waddooyinka Magaalada Muqdusho iyo Taalada S.Y.L lagu arkayaa Boorar waa weyn oo ka turjumayo xuska Maalinta 15-ka May oo sanadkan si weyn loogu diyaar garooway.
Sidoo kale Ururada dhallinyarada Soomaaliyeed ee ka jira Dalka ayaa wada qaban qaabo xooggan oo lagu weyneynayo Xuska maalinta 15-ka May oo ku beegan Maanta.
Madaxda Sar sare ee Dalka ayaa lagu wadaa in ay ka qeyb-qaataan dabaadegga maalintan, Islamarkaana Hadalo ka jeediyaan Munaasabadda Xuska 15-ka May .
Sanad kasta Maanta oo kale ayaa loo dabaaldagaa xuska 15-May oo ah maalin dhalinayarada.
