Wararka laga helaayo Degmada Wajid ayaa sheegaya in halkaas ay Ururka Al-shabaab ku qabsadeen raashin Gargaar ah oo loo waday degmadaas ayagoona ugu dambeyn dab qabadsiiyay raashinkii gargaarka ahaa.
Raashinka gargaarka ee kooxda Al-Shabaab ay gubeen ayaa waxaa la tilmaamay in loogu tala galay Dadka ay abaartu saameysay ee ku sugan Qeybo ka mid ah Gobolka Bakool.
Maamulka Degmada Waajid ayaa dhacdadan xaqiijiyay iyagoona sheegay in Shabaab ay dab qabadsiiyeen Raashiin Gargaar.
Habeen hore ayay ahayd markii Ururka Al-shabaab ay weerar xoogan kusoo qaadeen degmada Waajid taasoo ay ku sugnaayeen ciidamada Koofur Galbeed iyo Ciidan Itoobiyaana.
Degmada Wajid ayaa waxay marti u ahayd mudadii lasoo dhaafay dagaalo goos goos ah ayadoo markaana ay usii dheertahay abaar daran oo saameyn ba’an ku yeelatay dadka iyo duunyada ku dhaqan degmada Wajid.
