Waxaa magaalada Khartoum ee dalka Sudan gaaray Wasiirka wasaarada Beeraha Saciid Xuseen Ciid iyo wafdi uu hogaaminayo waxayna doonayaan inay halkaas uga qayb galaan shirka uga furmaya wasiirada Beeraha ee Jaamacada Carabta.
Wafdigaan ka socda Wasaaradda Beeraha ee Soomaaliya waxaa garoonka diyaaradaha ee Khartoum ku soo dhaweeyay masuuliyiin ka tirsan dowladda Suudaan iyo Danjiraha Safaaradda Soomaaliya ee dalkaasi, Maxamed Cabdullahi Ugaas.
Shirka wasiirada Beeraha ee Jaamacadda carabta ayaa lagu wadaa in uu ka furmo maanta magaalada Khartoum, Shirkaana ayaa sanadkaan waxaa diirada lagu saaraya sida loo horumarinkaro Beeraha ku yaalla dalalka Jaamacadda Carabta oo ay Soomaaliya ka mid tahay.
Sidoo kale waxaa qorshuhu yahay in lagu doorta guddoomiyaha guddiga Beeraha ee Jaamacadda Carabta.
