Ururka Alshabaab ayaa dil toogasho ah ku fuliyay 5 Nin kuwaas oo ay ku eedeynayeen in ay u basaasayeen dowladda Federalka iyo C.I.A mareykanka.
Toogashadan ayaa ka dhacday deegaanka Xagar oo ka tirsan gobolka Jubbada Hoose galinkii dambe ee shalay waxaana isagu soo baxay boqolaal qof kuwaas oo daawanayay xukunka dilka ah oo lagu fuliyay Shantaas Ruux oo dhamaantood ay ahaayeen Rag.
Qaadiga Maxkamadda Gobolada Jubooyinka ayaa fagaaraha ka akhriyay waxa lagu soo eedeeyay ragaas.
Hoos ka akhriso Magacyada Raga ay dilka ku fuliyeen Alshabaab.
1-cusmaan Cabdulle Cabdullaahi ( Buulle) oo 59 sana jir ahaa.
2-Cabdi kariim Muuumin Axmed oo 48 sana jir ahaa.
3-Xasan Barre Isxaaq (Jiiroow Barroow) oo 35 sana jir ahaa.
4-Cumar Xasan Axmed (Cumar Cuuke) oo 33 sana jir ahaa.
5-Axmed Cabdullaahi Warsame oo 24 sana jir ahaa.
Ma ahan markii ugu horraysay oo Al Shabaab gobollada ay maamusho ay xukuno nuucaan oo kale ah ka fuliyaan ayadoona eedeysanayaasha aysan helin wax Qareen ah oo u dooda sidaasna loogu dhawaaqo xukunka oo hal dhinac ah.
