Madaxweynaha Maamul-gobaleedka Galmudug ayaa la sheegay inuu ku baaqay Kulan looga wada xaajoonayo Xiriirka sii xumaanaya ee u dhexeeya Dowladaha Somalia iyo Kenya.
Wargeyska The Standard Media ee ka soo baxa Nairobi ayaa soo xigtay Hadal-qoraal oo ka soo baxay Xafiiska Madaxweynaha Galmudug oo uu ku eedeeyey inay Madaxweyne Farmaajo iyo Ra’isul-wasaare Kheyre inay waxyeeleynayaan xiriirka soo-jireenka ee u shexeeya Somalia iyo Kenya, waa sida uu hadalka u dhigay.
Wargeyska waxa kale oo uu qoray inuu Madaxweynaha Galmudug ugu baaqay dalalka deriskai yo saaxiibadda kale inay muhiimadda koowaad siiyaan Danaha dadka Soomaalida iyo inay joojiyaan falalka wax loogu dhimayo xiriirka wanaagsan ee u dhexeeya Dadka Gobalka.
Galmudug oo ka mid ah 6-da Maamul-gobaleed ee xubnaha ka ah Federalka Somalia waxay kaloo doonaysaa Wada-xaajood dib loogu soo celinayo Xiisadaha hoos-u-dhacaya ee Siyaasadda, Ammaanka, Bulsho iyo Dhaqaale ee Somalia, waa sida uu qoray Wargeyska The Standard Media.
