Wararka ka imaanaya magaalada Marka ee Gobolka Shabeellaha Hoose ayaa sheegaya in howlgal Ciidanka xoogga dalka ka sameeyeen duleedka Marka lagu dilay Horjooge ka tirsan Al-Shabaab iyo labo maleeshiyo la socotay.
Ciidanka loogu magac daray Guutada 14-ka October oo bishii hore la wareegay magaalada Marka ayaa howlgalka ka qeyb qaatay
Horjoogaha la dilay ayaa lagu magacaabayay Xuseen Macalin (Mujaahid Zubeyr), kaasoo ka mid ahaa saraakiisha howlgalada u qaabilsanaa Marka iyo hareeraheeda.
Xaalada magaalada Marka ayaa ah mid degan, waxaana socda howlgalada lagu xaqiijinayo amniga magaalada oo ay ka wadaan Ciidanka Guutada 14-ka October.
Dagaalamayaasha Shabaab ayaa habeen hore soo weeraray fariisimaha ciidamada xoogga dalka ku lahaayeen agagaarka magaalada Marka.
