Darawal Mooto bajaajle aha ayaa saaka si bareer ah loogu dilay meel u dhow xarunta dagemada Waaberi ee magaalada Muqdisho.
Dilka darawalkan ayaa waxaa ka dambeeyay askari ka tirsan Ciidamada ilaalada degaanka dowladda hoose ee Muqdisho ee loo yaqaan Minishiibiyada, iyadoo uu dhaawac halis ah ka gaaray qeybta sare ee jirkiisa, waxaana la qaaday, isagoo xaalkiisu liito wuxuuna ku geeriyooday isbitaalkii la geeyay.
Wararka aya sheegaya in Wiilka Bajaajlaha ah iyo Askariga uu dhex maray muran, taasoo keentay in askariga toogto wiilkaasi. Askariga falka geystay ayaa goobta ka baxsaday, iyadoo ciidamada amniga ay baadi goobayaan.
Ciidamada dowladda hoose ayaa si weyn u dhibaateeya Mooto bajaajta oo ay lacago canshuur ah ka qaadaan, iyadoo kula kaca falal mararka qaarkood gaara dil.
