Wararka inaga soo gaaraya Isgoyska Banaadir ee Magaalada Muqdisho ayaa waxa ay sheegayaan in goor dhow halkaasi uu ka dhacay qarax gaari gaar ahaan Barkontorool oo aan sidaas uga fogeyn Isgoyskaasi.
Gaariga ayaa ka yimid Duleedka Magaalada Muqdisho, wuxuuna ku soo jeeday Magaalada Muqdisho, balse Bartakontorool ee halkaasi u taalla ayaa lagu joojiyay.
Ciidamada ayaa marka hore gaariga ka shakiyay, waxayna uga digeen shacabka in ay u dhawaadaan, ciidamada oo ku howlan in ay xiraan wadada ayuu marqura gaariga qarxay.
Kahor inta uusan qaraxa dhicin ayaa Ciidamada waxa ay rideen rasaas ay ku kala eryanayeen dadka shacabka ah, si dadka aysan halkaasi ugu soo dhawaan.
Wariyeyaal goobta ka akdhawaa ayaa Goobsan Media u sheegay in qaraxan ay waxyeelo ka soo gaartay dad shacab ah iyo Ciidamo ku sugnaa Bartakontorool.
Gaadiidka gargaarka deg dega ah ee Ambalaasta ayaa ku sii qulqulaya goobta uu qaraxa ka dhacay, Ciidamada ammaanka ayaa sidoo kale tagay goobta.
Duhurnimadan ayay aheyd markii qarax gaari uu ka dhacay wadada aada Garoonka Diyaaradaha Aadan Cadde ee magaalada Muqdisho, kaasi oo lala beegsaday Barkontorool oo ay ku sugnaayeen Nabad Sugidda.
