Dagaal xoogan oo u dhaxeeyay ciidanka AMISOM iyo dagaalyahano ka tirsan Alshabaab ayaa ka dhacay Gobolka Shabeelaha Dhexe.
Dagaalkaan oo ahaa mid xoogan ayaa ka dhacay duleedka Degmada Mahadaay,kadib marki weerar dhabagal ah lagu qaaday Kolonyo ay la socdeen ciidamo ka tirsan kuwa Burundi oo ka mid ah kuwa AMISOM ayagoo ku sii jeeday deegaanka Cali Fooldheere ee Gobolka Shabeelaha Dhexe.
Warar ay ku faafiyeen Ururka Alshabaab baraha ay ku leeyihiin Internet-ka ayey guulo kaga sheegteen dagaalkaan,ayagoo xusay in ay gaadiid ciidanka AMISOM ah gubeen.
Majiro ilaa haatan war ka soo baxay saraakiisha AMISOM oo la xiriira dagaalkaan,sidoo kale majiro war ka soo baxay maamulka Gobolka Shabeelaha Dhexe iyo saraakiisha Dowladda ee ku sugan.
Inta badan Ururka hubeysan Alshabaab ayaa weeraro ku qaada ciidanka AMISOM ee ku safra Gobolada,ayagoona u geysta qasaaro lixaad leh.
