Kooxo hubeysan ayaa xalay Xaafada Macalin Nuur ee degmada Dharkeynley waxa ay ku dileen Sarkaal sare oo ka tirsanaa Ciidanka Millitariga Soomaaliya.
Sarkaalka la dilay ayaa lagu magacaabi jirey Yuusuf, waxaana lagu dhex toogtay goob Ganacsi oo ku lahaa xaafadda Macalin Nuur, isla goobta ayuuna ku geeriyooday.
Dhanka kale Ragii dilka geystay ayaa isaga baxsaday goobta uu dilka ka dhacay.
Ciidamada Dowladda Federaalka oo tagay goobta uu dilka ka dhacay ayaa waxa ay halkaasi ka qaadeen meydka marxuum Yuusuf.
Maleeshiyaadka Al-Shabaab ayaa magaalada Muqdisho ku dila Askarta, Saraakiisha ka tirsan Dowladda Federaalka Soomaaliya iyo xubno kale.
Shalay Kooxo hubeysan oo Al-shabaab ka tirsan ayaa xaafada Taleex ee degmada Hodan waxa ay ku dileen Nabadoon Axmed Cabdulle Jimcaale, oo kamid ahaa odoyaasha dhaqanka Gobolka Hiiraan.
