Ciidamada xoogga dalka Soomaaliya ayaa Howlgal qorsheysan ku dilay Ciidamo iyo Saraakiil ka tirsan Al-shabaab ka dib howlgal ka dhacay Tuulooyin hoos yimaada Gobolka Gado.
Howlgalka ayaa ciidamada xoogga dalka soomaaliya waxa ay ka fuliyeen Tuuloyinka kala ah Caanoole,barrow diinle ,Daahir Maalin iyo Cali Xareed.
Ciidamada Xoogga dalka ayaa Tuulada Caanoole ku dilay labo Horjooge oo ka tirsan Al-shabaab iyo Maleyshiyaad tiradooda lagu sheegay 20 Dagaalame.
Labada Sarkaal ee howlgalka lagu dilay ayaa waxaa magacyadooda lagu kala sheegay Mahad Cabdi Kariin iyo Cabdulaahi Macalin geeddow
Taliyaha qeybta 43 Aad ee Ciidanka Xoogga Dalka Soomaaliya General Cismaaciil Saxardiid oo la hadlay idaacada ciidamada qalabka sida ayaa sheegay in howlgalka uu ahaa mid xooggan isla markaasine ay si wada jir ah ay iskaga kaashadeen ciidamada xoogga dalka iyo ciidamo mareynkan ah
General Saxardiid waxa uu tilmaamay in tuuloyinka kala ah Caanoole,barrow diinle ,Daahir Malin iyo Cali Xareed ay markii hore ay joogeyn maleyshiyada Al-shabaab balse hada ay soo gashay gacanta ciidamada dowlada soomaaliya
Taliyaha waxa uu sheegay in howlgalka ay ciidamada ku dileen labo horjooge oo Al-shabaab u haayay xilal muhiim ah
Labada horjooge ee la dilay ayaa Al-shabaab u qaabilsanaa degaanada kala ah Caanoole,barrow diinle
Mahad Cabdi kariim ayaa ahaa Sarkaal Al-shabaab u qaabilsanaa tuulada Canoole halka Cabdullaahi Macalin geedow uu ahaa horjoogaha degaanka barrow diinle.
