Wararka laga helayo inta u dhexeysa degmooyinka Qansaxdheere iyo Bardaale ee Gobolka Baay ayaa sheegaya in Ciidamada maamulka Koofur Galbeed ay halkaas ku qabteen xubno ka tirsanaa dagaalyahannada Al-shabaab.
Nuuradiin Abuukar Afhayeenka maamulka Koofur Galbeed ayaa sheegay in ay soo qabteen ciidamada maamulkaas dagaalyahannada, xilli qaarkood lagu qabtay dagala kuwo kalena, howlgal qorsheysan oo ciidamadu ay sameeyeen lagu soo qabtay.
Wuxuu sheegay in Howlgal socday muddo 3 saacadood ah ay ugu suuragashay ciidamadooda in ay soo qabtaan 6 xubnaha Shabaab ah, kuwaas oo ay ku qabteen ciidamadu intuu socday howlgalkaas.
Sidoo kale Saraakiisha Ammaanka ee Gobolka Baay ayaa sheegaya in dagaal ka dhacay meel aan sidaas uga fogeyn degmada Qansaxdheere in ay kusoo qabteen 3 ka mid ah Dagaalyahannada Al-shabaab.
Seddaxdaas ayaa la qabtay iyadoo uu markaas socday dagaal ay ciidamada Koofur Galbeed iyo Shabaab isku fara-saareen oo ka dhacay Duleedka Qansaxdheere.
