Maxkamadda Magaalada Mandheera ayaa labo Haween ah waxaa ay ku xukuntay 30 Sano oo xabsi ah kaddib markii lagu helay in ay Gabar Soomaali ah oo aysan iyagu dhalin dhoofinayeen.
Haweenkan oo kala ah Kheyrto Ibraahim iyo Xaliimo Aadan Xasan,waxaana lagu eedeeyay in Gabar 10 jir ah ay Bishii la soo dhaafay ka wadeen Soomaaliya doonayeenna in ay geeyaan Nairobi.
Gabar la dhalatay Xaliimo ayaa sheegtay in Gabadha ay wadeen aan la soo afduuban ee ay ahayd Gabar qaraabo ah oo ay Nairobi u wadeen.
Wxaana ay sheegtay in Xukunka Maxkamadda uu yahay mid lagu deg degay,waxaa ay sheegtay in Xaliimo aysan aqoon Maxkamadaha iyo sidoo kale luuqadaha Ingiriiska iyo Sawaaxiliga oo Maxkamadda looga hadlayay.
Xaliimo ayaa la sheegayaa in ay heysato 9 Carruur ah oo agoon ah,waxaana ehelkeeda xukunkan ka muujiyeen walaac weyn.
Booliska Kenya ayaa gabadha yar gudaha u geliyay Soomaaliya,waxaana ay sheegeen in sharciga Kenya uusan oggolaaneyn in Gabadhaas ay ku sii noolaato Kenya.
