Dab xooggan goor dhow qabsaday dhisme ku yaalla magaalada London, dad goobjoogeyaal ah ayaa waxa ay sheegeen in ay dad ku xanniban yihiin guryahooda.
45 gawaarida dabdamiska ah ayaa loo diray goobta uu dabku ka kacay, duqa magaalada London-na wuxuu sheegay in lagu dhawaaqay in arintani ay tahay “mid wayn”.
Dhismaha Grenfell Tower ayaa ku yaalla Lancaster West Estate waxaana la sheegay in ilaa 200 oo dab damis ah ay la tacaalayaan xakamaynta dabka.
Wariye ka tirsan BBC-da ayaa kusoo waramaya in dhismaha oo dhan uu dabku wada gaaray wararka qaar ayaa sheegaya in ay jiraan dad kasoo booday dhismaha qeybtiisa dhexe oo uu dabku soo gaaray.
Qolyaha la tacaalaya dabka ayaa digniino soo jeedinaya ayadoo la xiray goobaha u dhow dhismaha uu dabku qabsaday.
waxaa jira dad dhaawacyo yar ay soo gaareen kuwaas oo isla goobta lagu dabiibay ilaa iyo hadda majirto wa dhimasho ah oo lasoo sheegayo dadkii ku sugnaa dhismahaas ayaa laga daad gureeyay goobtaas.
