Madaxweynaha dalka Mareykanka Donald Trump waxa uu shalay saxiixay Amar Muwaadiniinta 8 Waddan looga mamnuucayo inay soo galaan Maraykanka, kuwaasi oo kala ah Somalia, Sudan, Syria, Yemen, Libya, Chad, Iran iyo Waqooyiga Kuurya
Xayiraadaasi ayaa lagu bedelay Amarkii hore, wuxuuna Sharcigan cusub dhaqan geli doona bisha soo socota ee October 18-da.
Dalka Sudan oo keliya ayaa la sheegay inuusan ka sii mid ahaan doonin dalalka uu Madaxweyne Trump saaray Xayiraadda dhinaca Socdaalka.
Xayiraadda cusub ee Socdaalka waxaa kaloo lagu hakiyey dhamaan Fiisaha dadka Qaxootiga ee u kala dhashay dalalka Somalia, Syria, Yemen, Chad, Libya, Iran iyo Waqooyiga Kuurya.
Dhinaca kale, Maxkamadda Sare ee dalka Maraykanka ayaa la filayaa inay bisha soo socoto dib-u-eegis ku sameeyaan Sharciga Cusub ee uu Madaxweyne Trump xayiraadda dhanka Socdaalka ugu soo rogay 8 waddan
Dhageyso:-Madaxweyne Waare”Waxaa inaga Go’an inaan isku furno Wadada Baladweyne ilaa Muqdisho”
